அமெரிக்கா கேப்டன் திருமணம் : 16 வயது குறைந்த காதலியை மணந்தார்
ADDED : 762 days ago
உலக புகழ்பெற்ற சூப்பர் ஹீரோ படமான 'கேப்டன் அமெரிக்கா' மூலம் பிரபலமானவர் கிறிஸ் இவான்ஸ். அமெரிக்க நாட்டின் அடையாளமாக அங்குள்ள குழந்தைகள் இவரை பார்த்தனர். வெளியில் எங்கு சென்றாலும் அவரது இயற்பெயர் மறைந்து கேப்டன் அமெரிக்காவாக கொண்டாடப்பட்டார்.
42 வயதான கிறிஸ் இவான்ஸ், தன்னை விட 16 வயது இளையவரான போர்ச்சுக்கீசிய நடிகை ஆல்பா பாப்டிஸ்டாவை காதலித்து வந்தார். குழந்தைகளிடையே தனக்கு இருக்கும் இமேஜின் காரணமாக காதலை மறைத்து வந்தார். தற்போது திருமணத்தையும் ரகசியமாக செய்திருக்கிறார். இந்த திருமணத்தில் நெருங்கிய உறவினர்கள், நண்பர்கள் தவிர்த்து மார்வெல் நடிகர்கள் ராபர்ட் டவுனி, கிறிஸ் ஹெம்ஸ்வொர்த், ஜான் ராசிங்க்சி, எமிலி பிளண்ட், ஜெர்மி ரன்னர் மட்டுமே கலந்து கொண்டுள்ளனர்.
கடந்த சில தினங்களுக்கு முன்பு நடந்த திருமணம் பற்றிய தகவல்கள் இப்போது வெளிவந்துள்ளது. ரசிகர்கள் இருவரையும் வாழ்த்தி வருகிறார்கள்.