திருமணமான நாளில் அசோக் செல்வன் - கீர்த்தி பாண்டியன் பட பாடல் வெளியீடு
ADDED : 763 days ago
அசோக் செல்வன், கீர்த்தி பாண்டியன், சாந்தனு, பிரித்வி, திவ்யா துரைசாமி, லிசி ஆண்டனி, அருண் பாலாஜி, மற்றும் பலர் நடிப்பில் கிரிக்கெட் விளையாட்டை மையமாகக் கொண்ட கதை களத்துடன் உருவாகியிருக்கும் படம் புளூ ஸ்டார். ஜெய்குமார் இந்த படத்தினை இயக்கியிருக்கிறார். கோவிந்த் வசந்தா இசையமைத்திருக்கிறார்.
இந்த படத்தில் நடித்திருந்த அசோக் செல்வனும் , கீர்த்தி பாண்டியனும் இன்று(செப்., 13) திருமணம் செய்துகொண்ட நிலையில் அவர்களுக்காக அவர்கள் நடிப்பில் உருவான புளூ ஸ்டார் படத்தில் இருந்து ரயிலின் ஒலிகள் என்கிற பாடலை வெளியிட்டிருக்கிறார்கள் படக்குழுவினர். உமா தேவி எழுதிய இந்த பாடலை பிரதீப் குமார், சக்திஸ்ரீ கோபாலன் ஆகியோர் இணைந்து பாடி உள்ளனர்.