நம்புங்கள்... இவர் டொவினா தாமஸ் தான்

மலையாள திரை உலகில் முன்னணி நடிகராக வளர்ந்து வருபவர் டொவினோ தாமஸ். குறிப்பாக வித்தியாசமான கதைகளையும், கதாபாத்திரங்களையும் தேர்ந்தெடுத்து நடித்து வரும் இவர் அந்த கதாபாத்திரங்களுக்காக தன்னை மாற்றிக்கொள்ள எந்த எல்லைக்கும் செல்ல தயங்காதவர். குறிப்பாக மலையாள திரையுலகில் நடிகர் பிரித்விராஜுக்கு அடுத்ததாக இப்படி எடையை கூட்டி குறைத்து, தோற்றத்தில் மாற்றம் கொண்டு வருவதில் டொவினோ தாமஸ் ரசிகர்களை எப்போதும் ஆச்சரியப்படுத்தி வருகிறார்.

அந்த வகையில் தற்போது அதிரிஷ்ய ஜலகங்கள் என்கிற படத்தில் நடித்து வருகிறார் டொவினோ தாமஸ். விருது படங்களை இயக்குவதற்கு பெயர் பெற்ற டாக்டர் பைஜு இந்த படத்தை இயக்கி வருகிறார். இந்த படத்தின் கதாபாத்திரத்திற்காக எளிதில் கண்டுபிடிக்க முடியாத ஒரு தோற்றத்திற்கு தன்னை மாற்றிக் கொண்டுள்ளார் டொவினோ தாமஸ்.

தற்போது இப்படத்தில் அவரது கதாபாத்திர தோற்றம் குறித்த புகைப்படம் ஒன்று வெளியாகி ரசிகர்களை வியப்பில் ஆழ்த்தியுள்ளது. உண்மையிலேயே இது டொவினோ தாமஸ் தானா என பார்ப்பவர்கள் அனைவருமே சந்தேகப்படும் அளவிற்கு புதிய தோற்றத்தில் காட்சியளிக்கிறார் டொவினோ தாமஸ்.