விஜய் தேவரகொண்டா 13வது படத்தின் தலைப்பு அறிவிப்பு தேதி இதோ!
ADDED : 740 days ago
கீதா கோவிந்தம் படத்தின் வெற்றிக்குப் பிறகு நடிகர் விஜய் தேவரகொண்டா மீண்டும் பரசுராம் பெட்டலா இயக்கத்தில் தனது 13வது படத்தில் நடித்து வருகிறார். இதில் நடிகைகள் மிருணாள் தாகூர், திவ்யன்ஷா கவுசிக் ஆகியோர் நடிக்கின்றனர். ஸ்ரீ வெங்கடேஸ்வரா கிரியேஷன்ஸ் நிறுவனம் தயாரிக்கும் இப்படத்திற்கு கோபி சுந்தர் இசையமைக்கிறார். ஏற்கனவே இதன் படப்பிடிப்பு அமெரிக்காவில் தொடங்கி நடைபெற்று வந்தது.
இந்த நிலையில் இந்த படத்தின் தலைப்பைப் டீசர் வீடியோ உடன் வருகின்ற அக்டோபர் 18ம் தேதி மாலை 6:30 மணிக்கு அறிவிப்பதாக படக்குழுவினர்கள் புதிய போஸ்டர் உடன் அறிவித்துள்ளனர். ஏற்கனவே இந்த படத்திற்கு பேமிலி ஸ்டார் என தலைப்பு வைத்துள்ளதாக தகவல்கள் வெளியானது என்பது குறிப்பிடத்தக்கது.