தொடர்ந்து ரூ.100 கோடிகளை குவிக்கும் பாலகிருஷ்ணா படம்

அனில் ரவிபுடி இயக்கத்தில் நந்தமுரி பாலகிருஷ்ணா நடித்து கடந்த வாரத்தில் வெளிவந்த படம் 'பகவந்த் கேசரி'. சைன் ஸ்கிரீன்ஸ் தயாரித்த இப்படத்திற்கு தமன் இசையமைத்துள்ளார். காஜல் அகர்வால், ஸ்ரீலீலா உள்ளிட்ட பலர் நடித்திருந்தனர். இப்படத்திற்கு விமர்சகர்கள் மற்றும் ரசிகர்கள் மத்தியில் கலவையான விமர்சனங்களைப் பெற்றது.

இந்த நிலையில் இப்படம் வெளியாகி 6 நாட்கள் கடந்த நிலையில் உலகளவில் இப்படம் ரூ.104 கோடி வசூலை கடந்ததாக படக்குழுவினர் அறிவித்துள்ளனர். இதன் மூலம் அகண்டா, வீரசிம்மா ரெட்டி, பகவந்த் கேசரி என தொடர்ந்து மூன்றாவது முறையாக உலகளவில் ரூ. 100 கோடி வசூலித்த ஹீரோவாக மாறியுள்ளார்.