விஜய் 68 - யுவன் சங்கர் ராஜா கொடுத்த புதிய அப்டேட்!

லியோ படத்தை அடுத்து வெங்கட் பிரபு இயக்கும் தனது 68வது படத்தில் நடித்து வருகிறார் விஜய். இப்படத்தில் அவருடன் மீனாட்சி சவுத்ரி, சினேகா, பிரபுதேவா, பிரசாந்த், மோகன், யோகி பாபு, பிரேம்ஜி உள்ளிட்ட பலர் நடிக்கிறார்கள். இப்படத்திற்கு யுவன் சங்கர் ராஜா இசை அமைக்கிறார். விஜய் படம் என்பதால் வழக்கத்தைவிட கூடுதல் எபோர்ட் போட்டு இந்த படத்திற்கு இசையமைத்து வருவதாக கூறும் யுவன் சங்கர் ராஜா, ‛‛என்னுடைய படங்களில் பாடல்கள் மட்டும் இன்றி பின்னணி இசையிலும் தனி கவனம் செலுத்துவேன்.

குறிப்பாக, அஜித் நடித்த மங்காத்தா படத்தில் பின்னணி இசை அதிகம் கவனிக்கப்பட்டது. அதனால் இந்த விஜய் 68வது படத்திலும் பாடல் மட்டும் இன்றி பின்னணி இசையிலும் கூடுதல் கவனம் செலுத்தப் போகிறேன். கண்டிப்பாக மங்காத்தா படத்தின் பின்னணி இசை போலவே விஜய் 68வது படத்திலும் அனைவரையும் கவர்ந்து இழுக்கக் கூடிய வகையில் பின்னணி இசையை கொடுப்பேன்'' என்கிறார் யுவன் சங்கர் ராஜா.