‛வா வாத்தியாரே' கார்த்தியின் அடுத்த பட தலைப்பு

நடிகர் கார்த்தி நடித்து சமீபத்தில் வெளிவந்த 'ஜப்பான்' படம் தோல்வியை தழுவியது. தற்போது நலன் குமாரசாமி இயக்கத்தில் தனது 26வது படத்தில் நடித்து வருகிறார் கார்த்தி. இதில் ராஜ்கிரண், சத்யராஜ், கிர்த்தி ஷெட்டி உள்ளிட்டோர் இணைந்து நடிக்கின்றனர். ஸ்டுடியோ கிரீன் நிறுவனம் சார்பில் ஞானவேல் ராஜா தயாரிக்கிறார்.

இந்த படத்தின் படப்பிடிப்பு 50% சதவீதத்திற்கும் மேல் முடிவடைந்துள்ளது. ஞானவேல் ராஜா அளித்த பேட்டி ஒன்றில், கார்த்தி 26வது படத்திற்கு வா வாத்தியாரே என தலைப்பு வைக்கப்பட்டுள்ளது. இது ஹீரோ படமாகவும், இயக்குனர் படமாகவும் இருக்கும். சூது கவ்வும் போன்ற திரைப்படம். இது அல்லாமல் நலன் குமாரசாமி மூன்று கதைகளை வைத்துள்ளார். இதில் ஒன்று விஜய் சேதுபதிக்கான கதை. அது வேற லெவலில் இருக்கும், என தெரிவித்துள்ளார்.