லெஜெண்ட் சரவணனின் அடுத்த பட பணி துவங்கியது
ADDED : 670 days ago
கடந்த 2022ம் ஆண்டு லெஜெண்ட் சரவணன் நடிப்பில் வெளியான படம் லெஜெண்ட். ஜேடி - ஜெர்ரி இயக்கிய இந்த படத்திற்கு ஹரிஷ் ஜெயராஜ் இசை அமைத்திருந்தார். ஊர்வசி ரவுட்டேலா, பிரபு, விவேக், யோகி பாபு, நாசர் உள்ளிட்ட பலர் முக்கிய வேடங்களில் நடித்திருந்தார்கள். இந்த நிலையில் தனது அடுத்த படத்திற்கான கதை கேட்டு வருவதாக கடந்த சில மாதங்களுக்கு முன்பு அறிவித்திருந்த சரவணன், தற்போது சோசியல் மீடியாவில் தனது அடுத்த படத்தின் பணிகள் தொடங்கிவிட்டதாகவும் விரைவில் இந்த படம் குறித்த அதிகாரப்பூர்வ அறிவிப்பு வெளியாகும் என்றும் தெரிவித்துள்ளார். மேலும், இந்த படத்தை துரை செந்தில்குமார் இயக்க இருப்பதாக ஒரு தகவல் வெளியாகியிருக்கிறது.