'ஏழு கடல் ஏழு மலை' - ரோட்டர்டாம் திரைப்பட விழாவில் வரவேற்பு

ராம் இயக்கத்தில், யுவுன் ஷங்கர் ராஜா இசையமைப்பில் நிவின் பாலி, சூரி, அஞ்சலி மற்றும் பலர் நடித்த படம் 'ஏழு கடல் ஏழு மலை'. ஒரு வாரத்திற்கு முன்பு நடைபெற்ற 'ரோட்டர்டாம்' உலகத் திரைப்பட விழாவில், 'போட்டிகள்' பிரிவில் திரையிடப்பட்டது.

அத்திரையிடலின் போது படத்தின் தயாரிப்பாளர் சுரேஷ் காமாட்சி, இயக்குனர் ராம், நடிகர்கள் நிவின் பாலி, சூரி, நடிகை அஞ்சலி, படத்தின் ஒளிப்பதிவாளர் என்கே ஏகாம்பரம் உள்ளிட்டவர்கள் கலந்து கொண்டனர்.

படத்தைப் பார்த்த வெளிநாட்டு சினிமா ரசிகர்கள் பலரும் படத்தைப் பாராட்டிய வீடியோக்களை படக்குழுவினர் வெளியிட்டுள்ளார்கள். திரைப்பட விழாவில் திரையிடப்படுவதால் இந்தப் படத்தை ஒரு சீரியசான படமென யாரும் நினைத்துவிட வேண்டாம் என படத்தின் திரையிடலின் போது இயக்குனர் ராம் தெரிவித்திருந்தது குறிப்பிட வேண்டிய ஒன்று..

இப்படம் விரைவில் தியேட்டர்களில் வெளியாக உள்ளது.