வாழ்த்திய ரஜினிக்கு நன்றி சொன்ன விஜய்

நடிகர் விஜய் சமீபத்தில் ‛தமிழக வெற்றி கழகம்' என்ற பெயரில் அரசியல் கட்சி துவக்கினார். 2026 சட்டசபை தேர்தலில் போட்டியிட போகிறார். விஜய் அரசியல் கட்சி துவங்கியதற்கு பலரும் அவருக்கு வாழ்த்து தெரிவித்தனர். பிப்., 2ல் கட்சி துவங்கிய அறிவிப்பை வெளியிட்ட விஜய்க்கு நான்கு நாட்கள் கழித்து நேற்று சென்னை விமான நிலையத்தில் ‛வாழ்த்துகள்' என ஒற்றை வரியில் சொல்லிவிட்டு நகர்ந்து சென்றார் ரஜினி.

இந்நிலையில் தனக்கு வாழ்த்து தெரிவித்த ரஜினிக்கு போன் மூலம் நன்றி தெரிவித்துள்ளார் விஜய். அப்போது தான் அரசியலில் களம் இறங்குவது, அதன் காரணம் ஆகியவற்றை அவரிடம் தெரிவித்ததாக தகவல் வெளியாகி உள்ளது.