ரஜினி படத்தில் இணையும் நாகார்ஜுனா!

தற்போது ஞானவேல் இயக்கும் வேட்டையன் படத்தில் நடித்து வருகிறார் ரஜினி. இந்த படத்தில் அவருடன் அமிதாப்பச்சன், பஹத் பாசில், ராணா, மஞ்சு வாரியர், ரித்திகா சிங், துஷாரா விஜயன் உள்ளிட்ட பலர் முக்கிய வேடங்களில் நடிக்கிறார்கள். வருகிற அக்டோபர் மாதம் இந்த படம் திரைக்கு வரவுள்ளது. இந்த படத்தை அடுத்து லோகேஷ் கனகராஜ் இயக்கத்தில் ரஜினி நடிக்கும் 171வது படத்திலும் வேட்டையன் படத்தை போலவே பல மொழிகளை சார்ந்த நடிகர் நடிகைகளும் இடம் பெறப் போகிறார்கள்.

அப்படத்தில் ரஜினியுடன் பாலிவுட் நடிகர் ரன்வீர் சிங், மலையாள நடிகை ஷோபனா, தமிழ் நடிகை ஸ்ருதிஹாசன் ஆகியோர் நடிப்பதாக செய்திகள் வெளியாகி வந்த நிலையில், பின்னர் சத்யராஜ் நடிப்பதாகவும் கூறப்பட்டது. இந்த நிலையில், தற்போது தெலுங்கு நடிகர் நாகார்ஜுனாவும் ரஜினி 171வது படத்தில் முக்கிய வேடத்தில் நடிக்க இருப்பதாக ஒரு புதிய தகவல் வெளியாகியிருக்கிறது. இப்படத்தின் தலைப்பு நாளை (ஏப்.,22) வெளியாகிறது.