‛குட் பேட் அக்லி' : இளமை தோற்றத்திற்கு திரும்பும் அஜித்
ADDED : 530 days ago
நடிகர் அஜித் குமார் கடந்த சில வருடங்களாக படங்களில் நரைத்த முடி, தாடி உடன் சால்ட் அண்ட் பெப்பர் லுக்கில் தான் நடித்து வருகின்றார் . கடந்த 2015ல் அஜித் குமார் என்னை அறிந்தால் படத்தில் குறிப்பிட்ட சில காட்சிகளுக்கு மட்டும் டை அடித்து இளமையான தோற்றத்தில் நடித்திருந்தார். அதன்பிறகு அஜித் இதுவரை எந்த படத்திலும் இளமை தோற்றத்தில் நடிக்கவில்லை.
தற்போது மகிழ்திருமேனி இயக்கும் விடாமுயற்சி படத்திலும் இதே லுக்கில் தான் நடிக்கிறார். அடுத்து ஆதிக் ரவிச்சந்திரன் இயக்கத்தில் ' குட் பேட் அக்லி' என்கிற படத்தில் அஜித் நடிக்கவுள்ளார். இதன் படப்பிடிப்பு வருகின்ற மே 10ந் தேதி அன்று தொடங்குகிறது. முதலில் மற்ற நடிகர்களின் சம்பந்தப்பட்ட காட்சிகள் படமாகின்றன. பின்னர் அஜித் படப்பிடிப்பில் கலந்து கொள்கிறார். இதனிடையே இந்த படத்திற்காக அஜித் இளமையான தோற்றத்திற்கு மாறி நடிக்கவுள்ளார்.