யுவன் இசையில் 'கேங்ஸ் ஆப் கோதாவரி' தெலுங்குப் படம்
ADDED : 522 days ago
தமிழில் முன்னணி இசையமைப்பாளர்களில் ஒருவரான யுவன்ஷங்கர் ராஜா மற்ற மொழிகளில் அதிகப் படங்களுக்கு இசையமைத்ததில்லை. இதுவரை தெலுங்கில் “சேஷு, மல்லி மல்லி சூடாலி, ஆடந்தே அடோ டைப், 7 ஜி பிருந்தாவன் காலனி, ஹாப்பி, ராம், ஆடவாரி மாடலக்கு அர்தலு வேறுலே, ராஜு பாய், ஓய், பாஞ்சா, தேனிகைன ரெட்டி, கோவிந்துடு அந்தரிவாடிலே, ஆக்சிஜன், 1945, கஸ்டடி' ஆகிய படங்களக்கு இசையமைத்துள்ளார்.
அடுத்த வாரம் வெளியாக உள்ள 'கேங்ஸ் ஆப் கோதாவரி' படத்திற்கு யுவன் தான் இசை. இப்படத்தின் டீசர் வெளிவந்து நல்ல வரவேற்பைப் பெற்றுள்ளது. இன்று படத்தின் முதல் சிங்கிள் வெளியாகி உள்ளது. இப்பாடலும் வித்தியாசமான பாடலாக அமைந்துள்ளது.
இன்று வெளிவந்துள்ள 'ஸ்டார்' படத்தில் யுவனின் இசைக்கு ரசிகர்களின் பாராட்டுக்கள் அதிகம் கிடைத்து வருகிறது. அது போலவே, 'கேங்ஸ் ஆப் கோதாவரி' தெலுங்குப் படத்திற்கும் நல்ல வரவேற்பு கிடைக்கும் என யுவனின் தெலுங்கு ரசிகர்கள் எதிர்பார்க்கிறார்கள். தொடர்ந்து தெலுங்கிலும் யுவன் அதிக கவனம் செலுத்த வேண்டும் என்பது அவர்களது கருத்தாக உள்ளது.