முதியோர் இல்லத்தில் பிறந்தநாள் கொண்டாடிய கேப்ரில்லா செல்லஸ்

சுந்தரி தொடரின் மூலம் சின்னத்திரை நேயர்கள் மத்தியில் அதிக புகழுடன் வலம் வருகிறார் நடிகை கேப்ரில்லா செல்லஸ். ஆர்மாக்ஸ் நிறுவனம் நடத்தும் கருத்துக் கணிப்பில் அதிக முறை மக்களின் பேவரைட் ஹீரோயினாக முதலிடம் பிடித்த இவர், நடிப்பின் மீது அதிக காதல் கொண்டவர். டிக்-டாக் மூலம் தன்னுடையை திறமையை வெளிப்படுத்தி சினிமாக்களிலும் நடித்துள்ளார். இவர் அண்மையில் தனது பிறந்தநாளை முதியோர் இல்லத்தில் வைத்து அங்கிருக்கும் தாத்தா பாட்டிகளுடன் சேர்ந்து அவர்களுக்கு உணவு பரிமாறி கொண்டாடியுள்ளார். கேப்ரில்லாவை பார்த்த அவர்கள், அவரை தனது பேத்தி போல் கொஞ்சியும் விளையாடியும் மகிழ்ச்சியுடன் வாழ்த்துகள் கூறினர். கேப்ரில்லாவும் அவர்கள் அனைவரையும் ஒன்றாக நிற்க வைத்து காலில் விழுந்து ஆசிர்வாதம் வாங்கியுள்ளார். தற்போது இந்த வீடியோ இண்ஸ்டாகிராமில் வைரலாவதை தொடர்ந்து கேப்ரில்லாவுக்கு ரசிகர்கள் பலரும் பிறந்தநாள் வாழ்த்துகள் கூறி வருகின்றனர்.