இந்தியன் - 2, இந்தியன்- 3 படம் குறித்த புதிய அப்டேட் வெளியிட்ட கமல் - ஷங்கர்

கமல்ஹாசன், ஷங்கர் இருவரும் 1996ம் ஆண்டு இந்தியன் படத்தில் முதன்முறையாக இணைந்தார்கள். அந்த படம் சூப்பர் ஹிட் அடித்த நிலையில், நீண்ட இடைவெளிக்கு பிறகு இந்தியன் 2 படத்தில் மீண்டும் அவர்கள் இணைந்திருக்கிறார்கள். இப்படத்தின் படப்பிடிப்பு முடிவடைந்து இறுதிகட்டப் பணிகள் நடைபெற்று வருகிறது. ஜூன் மாதம் இந்தியன் 2 படம் திரைக்கு வருவதாக முன்பு அறிவித்திருந்தவர்கள். தற்போது ஜூலை மாதம் திரைக்கு வருவதாக அறிவித்துள்ளார்கள்.

அதோடு நேற்று சென்னை மற்றும் பெங்களூர் அணிகளுக்கு இடையேயான பிரீமியர் லீக் கிரிக்கெட் போட்டிகளில் பங்கேற்ற கமல்ஹாசன் இயக்குனர் ஷங்கர் ஆகியோர் ஒரு அப்டேட் கொடுத்துள்ளார்கள். அதில் ஜூன் மாதம் இந்தியன் 2 படத்தின் இசை வெளியீட்டு விழா நடைபெறும். ஜூலை மாதம் இந்தியன் 2 படம் திரைக்கு வரும் என்று தெரிவித்தார்கள். மேலும் 2025ம் ஆண்டு ஜனவரி மாதம் இந்தியன் 3 படம் திரைக்கு வரும் என்றும் அறிவித்துள்ளார்கள்.