ரஜினிக்கு கோல்டன் விசா வழங்கி யுஏஇ அரசு கவுரவிப்பு

இந்தியாவை சேர்ந்த பல திரைக்கலைஞர்களுக்கு ஐக்கிய அரபு அமீரகம் தங்கள் நாட்டில் வசிப்பதற்கான சிறப்பு கோல்டன் விசாவை வழங்கி கவுரவித்து வருகிறது. ஏற்கனவே பல இந்திய பிரபலங்கள் இந்த விசாவை பெற்றுள்ளனர். இப்போது நடிகர் ரஜினிகாந்த் கோல்டன் விசாவை பெற்றுள்ளார்.

அபுதாபியில் நடந்த நிகழ்ச்சியில் ஐக்கிய அரபு அமீரக கலாச்சாரம் மற்றும் சுற்றுலாத்துறை அமைச்சகம் இந்த விசாவை ரஜினிக்கு வழங்கி கவுரவித்துள்ளது. இதற்காக அந்நாட்டு அரசுக்கு நன்றி தெரிவித்து வீடியோ வெளியிட்டுள்ளார் ரஜினி.

அதில் ‛‛யுஏஇ அரசால் வழங்கப்பட்ட கவுரவமான கோல்டன் விசாவை பெற்றுள்ளேன். இதற்காக அந்நாட்டு அரசுக்கும், லுலு சேர்மன் யூசப் அலிக்கும் நன்றி தெரிவித்துக் கொள்கிறேன். அவர் இன்றி இது நடந்திருக்காது'' என தெரிவித்துள்ளார்.