கல்கி 2898 ஏ.டி படத்தின் டப்பிங் பணியில் கமல்

நாக் அஸ்வின் இயக்கத்தில் பிரமாண்டமாக உருவாகி வரும் திரைப்படம் 'கல்கி 2898 ஏ.டி'. பிரபாஸ், அமிதாப் பச்சன், கமல்ஹாசன், தீபிகா படுகோனே, திஷா பதானி உள்ளிட்ட பல பிரபலங்கள் இணைந்து நடித்துள்ளனர். வைஜயந்தி பிலிம்ஸ் தயாரிக்கும் இப்படத்திற்கு சந்தோஷ் நாராயணன் இசையமைக்கிறார். மகாபாரதத்தை தழுவி சயின்ஸ் பிக் ஷன் படமாக பிரமாண்டமாய் உருவாகி வருகிறது. ஜூன் 27ந் தேதி அன்று இத்திரைப்படம் வெளியாகிறது. இந்த நிலையில் இந்த படத்தின் டப்பிங் பணியைத் கமல்ஹாசன் இன்று சென்னையில் துவங்கியுள்ளார். இதன் முதல் பாகத்தில் கமல் சுமார் 19 நிமிடங்கள் மட்டுமே தோன்றுகிறார். இரண்டாம் பாகத்தில் தான் அவருக்கான காட்சிகள் அதிகம் உள்ளது என்பது குறிப்பிடத்தக்கது.