பேன்டஸி கதையில் உருவாகும் ‛ராக்கெட் டிரைவர்'

அறிமுக இயக்குநர் ஸ்ரீராம் அனந்த சங்கர் இயக்கத்தில் உருவாகி வரும் படம் ‛ராக்கெட் டிரைவர்'. விஷ்வந்த் முதன்மை வேடத்தில் நடிக்க, தேசிய விருது வென்ற நாக விஷால், காத்தாடி ராமமூர்த்தி, சுனைனா, ஜெகன் மற்றும் பலர் முக்கிய வேடங்களில் நடித்துள்ளனர்.

தான் செய்த தவறுகளால், தனது வாழ்க்கை ஏமாற்றம் நிறைந்த ஒன்று என புலம்பி வரும் ஆட்டோ ஓட்டுநர், உலகையே மாற்ற வேண்டும் என்ற கனவு கொண்டிருக்கிறார். எனினும், இது தொடர்பாக அவரால் எதுவும் செய்ய முடியவில்லை. இந்த நிலையில், தனது ரோல் மாடலை அவரது 17-வயதில் காண்கிறார். அப்போது அரங்கேறும் விசித்திர சம்பவம் விபரீதத்தில் முடிகிறது. இதைத் தொடர்ந்து நடைபெறும் சம்பவங்களே இப்படத்தின் கதை. பேன்டஸி கலந்த காமெடி படமாக உருவாகி வருகிறது.

கௌஷிக் கிரிஷ் இசையமைக்கிறார். படப்பிடிப்பு முடிந்து மற்ற பணிகள் விறுவிறுப்பாக நடைபெற்று வருகிறது. இந்த படத்தை ஆகஸ்ட் 2024ல் வெளியிட படக்குழு திட்டமிட்டு வருகிறது.