பிரதீப் ஆண்டனிக்கு டும் டும்

அருவி, வாழ், டாடா போன்ற படங்களில் கவனம் பெற்றவர் நடிகர் பிரதீப் ஆண்டனி. தனியார் டிவியில் ஒளிபரப்பான கமல் தொகுத்து வழங்கிய ரியாலிட்டி ஷோவான பிக்பாஸ் நிகழ்ச்சியில் ரெட் கார்டு கொடுத்து பாதியில் வெளியேற்றப்பட்டார். இது வலைதளங்களில் டிரெண்ட்டாகி, அவருக்கான ஆதரவு பெருகியது.

இந்நிலையில் தனக்கு திருமண நிச்சயதார்த்தம் நடந்துள்ளதாக மணப்பெண் உடன் இருக்கும் போட்டோவை வலைதளத்தில் பகிர்ந்துள்ளார் பிரதீப். ஆனால் அவரது பெயர் உள்ளிட்ட மற்ற விபரத்தை வெளியிடவில்லை. இது காதல் திருமணம் என கூறப்படுகிறது. விரைவில் மணப்பெண் பெயரையும், திருமண தேதியையும் பிரதீப் வெளியிடுவார் என தெரிகிறது.