கூலி படத்திலும் நடிக்கிறாரா பஹத் பாசில்?

‛வேட்டையன்' படத்தை முடித்துவிட்டு லோகேஷ் கனகராஜ் இயக்கத்தில் ‛கூலி' படத்தில் நடித்து வருகிறார் ரஜினி. தற்போது இதன் முதற்கட்ட படப்பிடிப்பு ஐதராபாத்தில் நடக்கிறது. ரஜினியுடன் ஸ்ருதிஹாசன், ரெபா மோனிகா, மாஸ்டர் மகேந்திரன் உள்ளிட்ட பலர் நடித்து வருகிறார்கள். அதோடு இந்த படத்தில் வேட்டையன் படத்தில் ரஜினியுடன் நடித்திருக்கும் பஹத் பாசிலை மீண்டும் நடிக்க வைப்பதற்கு அழைப்பு விடுத்திருக்கிறார் லோகேஷ் கனகராஜ் . ஆனால் ஏற்கனவே பல படங்களில் கமிட்டாகி பிஸியாக நடித்து வரும் அவரால் ரஜினி படத்திற்கு கால்ஷீட் கொடுக்க முடியவில்லையாம். அதன் காரணமாகவே பஹத் பாசில் வேடத்தில் நடிப்பதற்கு வேறு நடிகரை பரிசீலனை செய்து வருகிறார் லோகேஷ் கனகராஜ்.