பிளாஷ்பேக்: ஒரே படத்துடன் சினிமாவை விட்டு விலகிய விஜயலட்சுமி
ADDED : 455 days ago
புகழ்பெற்ற கிராமிய பின்னணி பாடகி விஜயலட்சுமி. மதுரை காமராசர் பல்கலைக்கழகத்தின் கலை வரலாறு, அழகியல் நுண்கலைத் துறையின் நாட்டுப்புறக் கலை மையத்தின் பேராசிரியையாகப் பணிபுரிந்தவர். இவரது கணவர் முனைவர் நவநீத கிருஷ்ணணும் இதே துறையில் பேராசிரியராக விளங்கியவர். பழைமையான இசை, ஆடல், கூத்து உள்ளிட்ட கலை வடிவங்களை கண்டறிந்து அதனை கதையின் பல்வேறு வடிவங்களைத் தொகுத்து அதை நிகழ்ச்சியாக நடத்தி வந்தார். நாட்டார் கலை வடிவங்களை ஒளி ஒலி நாடாக்களை சேகரித்து தமிழ் சமூகத்திற்கு அளித்தவர்.
தன்னை தேடி வந்த பல சினிமா வாய்ப்புகளை மறுத்தவர், 1990ல் வெளிவந்த 'புதுப்புது ராகங்கள்' என்ற ஒரே படத்தில் மட்டும் பாடகியாகவே நடித்துள்ளார். பாடகி கேரக்டர் என்பதால் நடிக்க ஒத்துக்கொண்டார். இந்த படத்தை ஆதவன் என்பவர் இயக்கி இருந்தார். ஆனந்த்பாபு, சித்தாரா, சரண்ராஜ், நாகேஷ், நம்பியார் உள்ளிட்ட பலர் நடித்திருந்தார்கள்.