ஐமேக்ஸ் தொழில்நுட்பத்தில் வெளியாகும் தி கோட்

வெங்கட் பிரபு இயக்கத்தில் விஜய் நடிப்பில் உருவாகி வரும் திரைப்படம் ' தி கிரேட்டஸ்ட் ஆப் ஆல் டைம்'. சுருக்கமாக கோட் என அழைக்கின்றனர். பிரசாந்த், பிரபுதேவா, ஜெயராம், மோகன், சினேகா, லைலா, அஜ்மல், மீனாட்சி சவுத்ரி உள்ளிட்ட பலர் முக்கிய கதாபாத்திரங்களில் நடித்துள்ளனர். ஏ.ஜி.எஸ் நிறுவனம் தயாரிக்கும் இப்படத்திற்கு யுவன் சங்கர் ராஜா இசையமைத்துள்ளார்.

படப்பிடிப்பு முடிந்து தற்போது இதன் போஸ்ட் புரொடக்ஷன் பணிகள் விறுவிறுப்பாக நடைபெற்று வருகின்றன. இந்த நிலையில் இப்படத்தை உலகளவில் உள்ள ஐமேக்ஸ் தொழில்நுட்பம் கொண்ட திரையரங்குகளில் வெளியிட பணிகளும் நடைபெற்று வருகிறது. ஏற்கனவே விஜய்யின் லியோ ஐமேக்ஸ் தொழில்நுட்பத்தில் வெளியானது என்பது குறிப்பிடத்தக்கது.