பாஸ்போர்ட் ஆபிஸில் கோமாளி மூடில் மணிமேகலை

பிரபல வீஜே மணிமேகலை மீடியாவின் தனது இரண்டாவது இன்னிங்சில் குக் வித் கோமாளி நிகழ்ச்சியின் மூலம் அதிகமாக ஸ்கோர் செய்தார். காமெடியில் கலக்கிய அவர் தற்போது சொந்தமாக யூ-டியூப் சேனல் வைத்திருக்கிறார். அவரும் தனது தினசரி நாளினை யூ-டியூபில் ஆரம்பித்து யூ-டியூபிலே முடித்துக் கொள்ளும் அளவிற்கு வீடியோக்களை அப்லோட் செய்து தள்ளிவிடுகிறார்.

இந்நிலையில் தற்போது அவர் தனது சோஷியல் மீடியாவில் வெளியிட்டுள்ள வீடியோவை பார்த்து பலரும் அவரை கலாய்த்து வருகின்றனர். அவர் வெளியிட்டுள்ள அந்த பதிவில், 'பாஸ்போர்ட் ஆபிஸில் 2 மணி நேரம் பட்ட அவமானம் இருக்கே? நீங்கள் யாராவது இப்படி அவமானப்பட்டிருக்கிறீர்களா?' என கேப்ஷன் போட்டு தனது செருப்பு கால்களை காட்டுகிறார். அதில் பார்த்தால் இரண்டு கால்களிலும் வெவ்வேறு செருப்புகளுடன் பாஸ்போர்ட் ஆபிஸுக்கு சென்றிருக்கிறார். இதை பார்த்த ரசிகர்கள் 'நிஜ வாழ்க்கையிலும் கோமளித்தனம் பண்ண ஆரம்பிச்சிட்டீங்களா?' என அவரை கலாய்த்து வருகின்றனர்.