நேருக்கு நேர் மோதும் அஜித், சூர்யா படங்கள்!

ஆதிக் ரவிச்சந்திரன் இயக்கத்தில் நடிகர் அஜித் குமார் நடித்து வரும் திரைப்படம் 'குட் பேட் அக்லி'. இதில் சுனில், அர்ஜுன் தாஸ், திரிஷா உள்ளிட்டோர் முக்கிய கதாபாத்திரங்களில் நடிக்கின்றனர். மைத்ரி மூவி மேக்கர்ஸ் நிறுவனம் தயாரிக்கும் இப்படத்தை அறிவிக்கும் போதே 2025ம் ஆண்டு பொங்கல் பண்டிகையை முன்னிட்டு திரைக்கு வரும் என அறிவித்தனர்.

மறுபுறம் கார்த்திக் சுப்புராஜ் இயக்கத்தில் நடிகர் சூர்யா தனது 44வது படத்தில் நடித்து வருகிறார். இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது. இப்போது இத்திரைப்படத்தின் படப்பிடிப்பை விரைவில் முடித்து வருகின்ற 2025ம் ஆண்டு பொங்கலுக்கு திரைக்கு கொண்டு வர திட்டமிட்டுள்ளதாக கூறப்படுகிறது. இதன் மூலம் அஜித், சூர்யா படங்கள் நேருக்கு நேர் மோதுகிறது என்பது குறிப்பிடத்தக்கது.