சீனாவில் வெளியாகும் விஜய் சேதுபதியின் மகாராஜா!

நிதிலன் சுவாமிநாதன் இயக்கத்தில் விஜய் சேதுபதி, மம்தா மோகன்தாஸ், அனுராக் காஷ்யப், நட்டி நடராஜன், அபிராமி உள்ளிட்ட பலர் நடித்த படம் மகாராஜா. கடந்த ஜூன் மாதம் திரைக்கு வந்த இந்த படம் 100 கோடிக்கு மேல் வசூலித்தது. அதோடு ஓடிடியிலும் வரவேற்பு பெற்றது. இந்த நிலையில் வருகிற நவம்பர் 29ம் தேதி மகாராஜா படம் சீனாவில் வெளியாக இருப்பதாக இயக்குனர் நித்திலன் சாமிநாதன் தனது எக்ஸ் பக்கத்தில் சீன மொழியில் உருவாகி உள்ள ஒரு போஸ்டர் உடன் அறிவித்துள்ளார். மேலும் இந்த படத்தின் ஹிந்தி ரீமேக் உரிமையை பாலிவுட் நடிகர் அமீர்கான் வாங்கி உள்ளார் என்பது குறிப்பிடத்தக்கது.