விஜய் மகன் படத்திற்கு இசையமைக்கும் தமன்!

நடிகர் விஜய்யின் மகன் ஜேசன் சஞ்சய் முதல் முறையாக தமிழில் ஒரு படத்தை இயக்குகின்றார். இதனை லைகா புரொடக்சன்ஸ் நிறுவனம் தயாரிக்கின்றனர் என கடந்த சில மாதங்களுக்கு முன்பு அறிவித்தனர்.

அதன் பிறகு இப்படம் குறித்து எந்தவொரு அறிவிப்பும் வெளியாகவில்லை. சமீபத்தில் ஜேசன் சஞ்சய் இயக்கத்தில் கதாநாயகனாக நடிக்க சந்தீப் கிஷன் ஒப்பந்தம் ஆகியுள்ளதாக தகவல்கள் வெளியானதைத் தொடர்ந்து, தற்போது இந்த படத்திற்கு தமன் இசையமைக்க ஒப்பந்தம் ஆகியுள்ளார் என்கிறார்கள். டிசம்பர் மாதம் இது குறித்து அதிகாரப்பூர்வ அறிவிப்பு என கூறப்படுகிறது. மேலும், ஜனவரி மாதத்தில் இதன் படப்பிடிப்பு துவங்கும் என்கிறார்கள்.