இந்த விஷயம் இருந்தால் மட்டும் கதை சொல்லுங்க : மிஸ் யூ இயக்குனரிடம் ஜிப்ரான் போட்ட கண்டிஷன்

வாகை சூடவா படத்தில் இடம்பெற்ற சரசர சாரக்காத்து என்கிற ஒரு பாடலின் மூலமாகவே மிகப்பெரிய அளவில் பிரபலமானவர் இசையமைப்பாளர் ஜிப்ரான். அதை தொடர்ந்து கமலின் படங்களுக்கு தொடர்ந்து இசையமைக்கும் அளவிற்கு அவரது ஆஸ்தான இசையமைப்பாளராக மாறிய ஜிப்ரான் தொடர்ந்து பிசியான இசையமைப்பாளராக பல படங்களுக்கு இசையமைத்து வருகிறார். அந்த வகையில் வரும் நவம்பர் 29ம் தேதி சித்தார்த் நடிப்பில் வெளியாக இருக்கும் மிஸ் யூ படத்திற்கு இசையமைத்துள்ளார் ஜிப்ரான். இந்த படத்தை என்.ராஜசேகர் என்பவர் இயக்கி உள்ளார்

இதன் டிரைலர் வெளியீட்டு விழாவில் பேசிய ஜிப்ரான் இயக்குனரிடம் தான் போட்ட நிபந்தனை ஒன்று குறித்து வெளிப்படையாகவே பேசினார். இது குறித்து அவர் பேசும்போது, “எனக்கு தொடர்ந்து சீரியஸ் கதைகள், சைக்கோ கதைகளாக வந்து கொண்டிருந்த சமயத்தில் தான் இந்த படத்திற்கு இசையமைக்கும் வாய்ப்பு வந்தது. இயக்குநர் ராஜசேகர் கதை சொல்ல துவங்குவதற்கு முன்பே, லவ் பாடல்கள் இருந்தால் நாம மேற்கொண்டு பேசலாம் என்று சொன்னேன். ஏனென்றால் அந்த அளவுக்கு காதல் பாடல்கள் பண்ணுவதை நான் ரொம்பவே மிஸ் பண்ண ஆரம்பித்து விட்டேன்” என்று கூறியுள்ளார்.