ஒரே ஆண்டில் 80 கோடி வரி செலுத்தி விஜய் சாதனை
ADDED : 328 days ago
இந்திய சினிமாவின் முன்னணி நடிகர்களில் ஒருவர் விஜய். ஹிந்தி தவிர்த்த பிராந்திய மொழிகளில் அதிகம் புகழ்பெற்ற அதிகம் சம்பளம் வாங்குகிற நடிகரும் அவர்தான். கடந்த ஆண்டு மட்டும் அவர் 80 கோடி ரூபாய் வரை அரசிற்கு வரியாக செலுத்தி உள்ளார். தனி நபர் செலுத்திய வரியில் இது சாதனை அளவாக கருதப்படுகிறது. இந்த தகவலை இந்திய வரி செலுத்துவோர் அமைப்பு வெளியிட்டுள்ளது. ஆண்டு தோறும் அதிக வரி செலுத்துவோர் பட்டியலை இந்த அமைப்பு வெளியிடும்.
2023-2024-ம் நிதி ஆண்டில் அதிக வரி செலுத்தும் நடிகர்-நடிகைகள் பட்டியலை வெளியிட்டுள்ளது. இந்த பட்டியலில் ஹிந்தி நடிகர் ஷாருக்கான் முதல் இடத்தில் இருக்கிறார். அவர் 90 கோடி வரி ரூபாய் வரி செலுத்தி உள்ளார். 75 கோடி வரி செலுத்திய சல்மான்கானுக்கு மூன்றாவது இடம் கிடைத்துள்ளது. நான்காவது இடத்தில் அமிதாப்பச்சன் இருக்கிறார். இவர் 71 கோடி வரி செலுத்தி உள்ளார். அஜய் தேவ்கான் 42 கோடி வரி செலுத்தி 5வது இடத்தில் இருக்கிறார். விஜய்க்கு அடுத்து தென்னிந்திய நடிகராக அல்லு அர்ஜுன் 14 கோடி வரி செலுத்தி உள்ளார்.