வருண் தவானுக்கு ஜோடியாகும் பூஜா ஹெக்டே

ஜீவா நடிப்பில் மிஷ்கின் இயக்கிய முகமூடி படத்தில் தான் தமிழ் சினிமாவுக்கு அறிமுகமானார் பூஜா ஹெக்டே. அதன் பிறகு தெலுங்கு, ஹிந்தியில் நடித்து வந்தவர், நீண்ட இடைவெளிக்கு பிறகு விஜய் நடித்த பீஸ்ட் படம் மூலம் மீண்டும் தமிழில் ரீஎன்ட்ரி கொடுத்தார். இந்த நிலையில் தற்போது கார்த்தி சுப்பராஜ் இயக்கத்தில் சூர்யா நடித்துள்ள 44வது படத்தில் நடித்திருக்கும் பூஜா ஹெக்டே, அடுத்தபடியாக விஜய்யின் 69 வது படத்திலும் நடித்து வருகிறார். விஜய் 69வது படத்தை முடித்ததும் ஹிந்தியில் வருண் தவானுக்கு ஜோடியாக ஒரு படத்தில் நடிக்கப் போகிறார் பூஜா ஹெக்டே. இது குறித்த தகவல் அதிகாரப்பூர்வமாக வெளியிடப்பட்டுள்ளது. இதனை டேவிட் தவான் இயக்குகிறார். இது குறித்த தகவலை பூஜா வெளியிட்டுள்ளார்.