கார் ரேஸ் பயிற்சியில் விபத்து: அதிர்ஷ்டவசமாக காயங்களின்றி தப்பிய அஜித்
ADDED : 282 days ago
நடிகர் அஜித்குமார், 'விடாமுயற்சி, குட் பேட் அக்லி' பட வேலைகளை முடித்துவிட்டு கார் ரேஸில் பங்கேற்பதில் பிஸியாகியுள்ளார். துபாயில் நடைபெற உள்ள கார் பந்தயத்தில் பங்கேற்க சென்றுள்ள அஜித், அங்கு தீவிர பயிற்சியில் ஈடுபட்டு வருகிறார்.
இந்த நிலையில், இன்று (ஜன.,7) கார் ரேஸ் பயிற்சியில் ஈடுபட்ட போது, வளைவில் சென்றபோது எதிர்பாராத விதமாக தடுப்பு சுவற்றில் மோதி விபத்துக்குள்ளானது. இதில் காரின் முன்பகுதி பலத்த சேதமடைந்தது. அதிர்ஷ்டவசமாக காயங்களின்றி உயிர்தப்பிய அஜித்தை வேறு வாகனத்தில் ஏற்றி சென்றனர்.
இன்னும் சில நாட்களில் கார் ரேஸ் துவங்க உள்ள நிலையில், அஜித்தின் கார் விபத்துக்குள்ளானதால் ரசிகர்கள் அதிர்ச்சியடைந்தனர்.