தக் லைப் படத்தின் தெலுங்கு உரிமையை கைப்பற்றிய பிரபல நிறுவனம்!

மணிரத்னம், கமல்ஹாசன் கூட்டணியில் நீண்ட வருடங்களுக்கு பிறகு உருவாகி வரும் திரைப்படம் 'தக் லைப்'. இதில் சிலம்பரசன், அசோக் செல்வன், திரிஷா, ஜோஜூ ஜார்ஜ், ஐஸ்வர்யா லஷ்மி உள்ளிட்ட பல முன்னனி நட்சத்திரங்கள் இணைந்து முக்கிய கதாபாத்திரங்களில் நடித்துள்ளனர்.

ரெட் ஜெயண்ட் மூவிஸ், ராஜ்கமல் நிறுவனம், மெட்ராஸ் டாக்கீஸ் ஆகிய நிறுவனங்கள் இணைந்து இப்படத்தை தயாரிக்கின்றனர். இதற்கு ஏ. ஆர். ரஹ்மான் இசையமைக்கின்றார்.

தற்போது இந்த படத்தின் பிஸ்னஸ் பணிகளை துவங்கியுள்ளனர். முதற்கட்டமாக இந்த படத்தின் ஆந்திரா மற்றும் தெலுங்கானா தியேட்டர் உரிமையை ஸ்ரீசாத் மூவிஸ் மூலம் சுதாகர் ரெட்டி என்பவர் ரூ.20 கோடிக்கு கைப்பற்றியுள்ளதாக கூறப்படுகிறது. இதுவரை வெளிவந்த கமல் படங்களின் ஆந்திரா, தெலுங்கானா பிஸ்னஸை விட தக் லைப் பிஸ்னஸ் அதிகம் என்கிறார்கள்.