மதகஜராஜா சென்டிமென்ட் : பிப்., 14ல் படவா ரிலீஸ்

சுந்தர் சி இயக்கத்தில் விஷால், அஞ்சலி, வரலட்சுமி, சந்தானம் நடித்து 12 வருடங்களாக கிடப்பில் கிடந்த 'மதகஜராஜா' படம் சமீபத்தில் பொங்கலுக்கு திரைக்கு வந்து வெற்றி பெற்றது. இதனால் கிடப்பில் கிடந்த பல தமிழ் படங்களை தூசி தட்டி வெளியிடும் முயற்சிகள் நடக்கின்றன. குறிப்பாக கவுதம் மேனன் இயக்கத்தில் விக்ரம் நடித்த துருவ நட்சத்திரம் படத்தை வெளியிட தீவிரமான வேலைகள் நடக்கின்றன. கவுதம் மேனன் கூட இந்த படத்தை மே மாதம் திரைக்கு கொண்டு வர திட்டமிட்டுள்ளதாக தெரிவித்துள்ளார்.

இந்த வரிசையில் கடந்த 6 வருடங்களாக கிடப்பில் இருந்த படம் 'படவா'. கே.வி.நந்தா இயக்கியுள்ள இப்படத்தில் விமல், ஸ்ரிதா ராவ், கே.ஜி.எப் ராம் உள்ளிட்டோர் இணைந்து நடித்துள்ளனர். சில பிரச்னைகளால் வெளியாகாமல் இந்த படம் உள்ளது. காதலும், காமெடியும் கலந்த படமாக உருவாகி உள்ளது. இப்படம் பிப்ரவரி 14ம் தேதி அன்று திரைக்கு வருகிறது என அறிவித்துள்ளனர்.