இளையராஜா பயோபிக் படத்தில் ஏற்பட்ட திடீர் மாற்றம்!
ADDED : 209 days ago
இசையமைப்பாளர் இளையராஜா இந்திய சினிமாவில் இதுவரை 1500க்கும் மேற்பட்ட படங்களுக்கு இசையமைத்துள்ளார். கடந்தாண்டில் இளையராஜாவின் வாழ்க்கை வரலாறு படமாக உருவாகுவதாகவும் இதில் இளையராஜாவாக தனுஷ் நடிப்பதாகவும் அறிவித்தனர். கன்னெக்ட் மீடியா மற்றும் மெர்குரி என இரு நிறுவனங்கள் இப்படத்தை தயாரிக்க இருந்தனர். அருண் மாதேஸ்வரன் இயக்கும் இப்படத்திற்கு 'இளையராஜா' என தலைப்பு வைத்ததாக அறிவித்தனர்.
கடந்த சில மாதங்களுக்கு முன்பு இப்படம் கைவிடப்பட்டதாக தகவல்கள் பரவியது. அதன் பின்னர் எந்தவொரு தகவலும் அதிகாரப்பூர்வ அறிவிப்புகளும் வெளியாகவில்லை. தற்போது இப்படத்தை கன்னெக்ட் மீடியா நிறுவனத்துடன் இணைந்து ஏ.ஜி.எஸ் நிறுவனம் தயாரிப்பில் ஈடுபட உள்ளதாக புதிய தகவல்கள் தெரிவிக்கின்றனர். ஆனால் இது குறித்து எந்தவொரு அதிகாரப்பூர்வ செய்திகளும் இல்லை.