தமிழைத் தொடர்ந்து ஹிந்தியில் அறிமுகமாகும் ஸ்ரீ லீலா!
இந்திய சினிமாவில் வளர்ந்து வரும் இளம் நடிகை ஸ்ரீ லீலா, கன்னட சினிமாவின் மூலம் திரையுலகில் அறிமுகமானவர். அதன் பின்னர் தெலுங்கில் மகேஷ் பாபு, ரவி தேஜா, ராம் பொத்தினேனி, நிதின், பாலகிருஷ்ணா உள்ளிட்ட பல முன்னணி நடிகர்களின் படங்களில் நடித்து பிஸியான கதாநாயகியாக வலம் வருகிறார்.
சமீபத்தில் சுதா கொங்காரா இயக்கத்தில் சிவகார்த்திகேயன் நடித்து வரும் 'பராசக்தி' படத்தின் மூலம் தமிழ் திரையுலகில் அறிமுகமாகினார். தற்போது ஸ்ரீ லீலா தமிழைத் தொடர்ந்து பாலிவுட்டிலும் அறிமுகமாகிறார் என அறிவிப்பு வெளியாகியுள்ளது. அதன்படி, அனுராக் பாசு இயக்கத்தில் உருவாகும் புதிய ஹிந்தி படத்தில் கார்த்திக் ஆர்யன் உடன் இணைந்து கதாநாயகியாக ஸ்ரீ லீலா நடிக்கின்றார். இப்படத்தை டி சீரியஸ் நிறுவனம் தயாரிக்கின்றனர். இவ்வருட தீபாவளிக்கு இப்படம் திரைக்கு வருகிறது என குறிப்பிடப்பட்டுள்ளனர்.