மதுரை படப்பிடிப்பை முடித்த 'பராசக்தி' குழு

சுதா கொங்கரா இயக்கத்தில், ஜிவி பிரகாஷ்குமார் இசையமைப்பில், சிவகார்த்திகேயன், ஜெயம் ரவி, அதர்வா, ஸ்ரீ லீலா மற்றும் பலர் நடிப்பில் பீரியட் படமாக உருவாகி வரும் படம் 'பராசக்தி'.

இப்படத்தின் முதல்கட்டப் படப்பிடிப்பு சென்னையில் நடைபெற்றது. அடுத்தகட்டப் படப்பிடிப்பு காரைக்குடி, மதுரை ஆகிய இடங்களில் நடந்து வந்தது. மதுரையில் நடந்து வந்த படப்பிடிப்பு நிறைவுற்றதாக படத்தின் இயக்குனர் சுதா கொங்கரா அப்டேட் கொடுத்துள்ளார்.

“மீனாட்சி, மயில், மல்லி.. எனது அபிமான இடங்களில் ஒன்றான மதுரை கட்ட படப்பிடிப்பு முடிவடைந்தது,” என்றும் குறிப்பிட்டுள்ளார். பிள்ளையார்பட்டி பிள்ளையார் கோவிலுக்கு சுதா கொங்கரா, சிவகார்த்திகேயன், அதர்வா ஆகியோர் சென்று வழிபட்ட புகைப்படத்தையும் சுதா ஏற்கெனவே பகிர்ந்திருந்தார். இப்படத்தின் படப்பிடிப்பு பற்றி அவ்வப்போது தவறாமல் அப்டேட் கொடுத்து வருகிறார் சுதா.