அட்லி தயாரிப்பில் நடிக்கும் விஜய் சேதுபதி

இயக்குனர் அட்லி ஹிந்தியில் ஷாரூக்கானின் ஜவான் படத்தை இயக்கி சூப்பர் ஹிட்டாக்கினார். தொடர்ந்து சல்மானின் படத்தை இயக்க இருந்தார். பட்ஜெட் பிரச்னையால் இப்போது அந்த படம் அல்லு அர்ஜுன் பக்கம் சென்றுள்ளது. இதனிடையே படத் தயாரிப்பிலும் ஈடுபட்டு வருகிறார். தனது தெறி படத்தை ஹிந்தியில் பேபி ஜான் என்ற பெயரில் தயாரித்தார். ஆனால் படம் தோல்வி அடைந்துவிட்டது.

இந்நிலையில் நடுவுல கொஞ்சம் பக்கத்த காணோம் பட இயக்குனர் பாலாஜி தரணிதரன் இயக்கத்தில் விஜய் சேதுபதி ஒரு படத்தில் நடிக்கவுள்ளார். இந்த படத்தை அட்லி அவரது ஏ பார் ஆப்பிள் தயாரிப்பு நிறுவனத்தின் மூலம் தயாரிக்கிறார். இதன் படப்பிடிப்பை வரும் மார்ச் மாதத்தில் சென்னையில் துவங்குகின்றனர். தொடர்ந்து இரண்டு - மூன்று மாதங்களில் படப்பிடிப்பை நடத்தி முடிக்க திட்டமிட்டுள்ளனர்.

விஜய் சேதுபதி தற்போது பாண்டிராஜ் இயக்கத்தில் ஒரு படத்தில் நடித்துள்ளார்.