ஹிந்தியில் 'டாப் ஸ்டார்' ஆகும் ராஷ்மிகா மந்தனா

ஒரு பக்கம் கன்னட மக்களிடம் இருந்து எதிர்ப்பு வந்தாலும் ஹிந்தித் திரையுலகின் உச்சத்தை நோக்கி சென்று கொண்டிருக்கிறார் ராஷ்மிகா மந்தனா.

அவர் நாயகியாக நடித்து சமீபத்தில் வெளிவந்த 'சாவா' படம் 500 கோடி நிகர வசூலைக் கடந்து சில பல சாதனைகளைப் படைத்துள்ளது. அதற்கு முன்பு கடந்த வருடம் அவர் நடித்த தெலுங்குப் படமான 'புஷ்பா 2' ஹிந்தியில் டப்பிங் ஆகி வெளியானது. ஹிந்தியில் மட்டுமே அந்தப் படம் 800 கோடிக்கும் அதிகமாக வசூலித்தது. அதற்கு முன்னதாக அவர் ஹிந்தியில் நடித்த 'அனிமல்' படம் 500 கோடிக்கும் அதிகமான வசூலைக் குவித்தது.

இப்படி தொடர்ச்சியாக 500 கோடி ஹாட்ரிக் வசூலைக் கொடுத்து பாலிவுட்டின் டாப் ஸ்டார் ஆக உயர்ந்து வருகிறார் ரஷ்மிகா. இந்த மாதம் சல்மான் கான் ஜோடியாக அவர் நடித்துள்ள 'சிக்கந்தர்' படம் வெளியாக உள்ளது. இந்தப் படமும் 500 கோடி வசூலைக் கடந்தால் ஹிந்தி நடிகைகளை விட முன்னேறிச் சென்றுவிடுவார் ரஷ்மிகா.