ஜனநாயகன் படத்தின் வியாபாரம் தொடங்கியது

வினோத் இயக்கத்தில் விஜய் நடித்து வரும் ஜனநாயகன் படத்தின் படப்பிடிப்பு இறுதி கட்டத்தில் இருக்கிறது. இந்த ஆண்டு இறுதி அல்லது அடுத்த ஆண்டு தொடக்கத்தில் தமிழ், தெலுங்கு, மலையாளம், கன்னடம், ஹிந்தி என 5 மொழிகளில் வெளியாகிறது. அனிருத் இசையமைத்துள்ள இந்த படத்தை கே.வி.என் நிறுவனம் 400 கோடி பட்ஜெட்டில் தயாரித்து வருகிறது.

இந்நிலையில் தற்போது இந்த ஜனநாயகன் படத்தின் ஓடிடி உரிமையை நெட்பிளிக்ஸ் நிறுவனம் கைப்பற்றி இருப்பதாக தகவல் வெளியாகியுள்ளது. அதோடு, இப்படத்தின் தமிழ்நாடு தியேட்டர் வெளியீட்டு உரிமையை செவன் ஸ்கிரீன் 100 கோடிக்கும், வெளிநாட்டு உரிமையை பார்ஸ் நிறுவனம் 78 கோடிக்கு வாங்கி இருப்பதாகவும் அப்பட வட்டாரங்களில் ஒரு தகவல் வெளியாகியுள்ளது. இது தவிர தெலுங்கு, மலையாளம், கன்னடம், ஹிந்தி போன்ற மொழிகளுக்கான வியாபாரமும் தற்போது பேசப்பட்டு வருகிறதாம். அதோடு அடுத்த மாதத்தோடு இப்படத்தின் அனைத்துகட்ட படப்பிடிப்பு முடிவடைந்து விடும் என்றும் கூறுகிறார்கள்.