மகிழ்ச்சியே வாழ்க்கைக்கு சிறந்த மருந்து : ரகுல் பிரீத் சிங்

நடிகை ரகுல் பிரீத் சிங் தமிழ், தெலுங்கு, ஹிந்தி ஆகிய மொழி படங்களில் நடித்து பிரபலமானவர். கடந்தாண்டு தயாரிப்பாளர் ஜாக்கி பாக்னானியை திருமணம் செய்தார். தொடர்ந்து படங்களில் நடித்து வருகிறார். இன்ஸ்டாவில் அவரின் லேட்டஸ்ட் புகைப்படங்களை பகிர்ந்து வருவதோடு அவ்வப்போது சில பதிவுகளை போடுகிறார்.

தற்போது அவரது இன்ஸ்டாகிராம் பக்கத்தில் ஆரோக்கியமான மற்றும் கவனமுள்ள தேர்வுகள் மூலமாக உங்களை நீங்களே உற்சாகப்படுத்தி கொள்ளுங்கள். இயற்கையுடன் இணைந்திருந்தால் உங்களுக்கு அற்புதமான உணர்வு கிடைக்கும். பிடித்த விளையாட்டை விளையாடுங்கள். உங்களை அமைதிப்படுத்த தியானம் மேற்கொள்ளுங்கள். ஒரு நாளைக்கு 5 நிமிடங்கள் மட்டுமே பெரிய மாற்றங்களைக் கொண்டு வரும். எனவே சந்தோஷமாக, சிரித்து கொண்டு இருங்கள். காரணம் மகிழ்ச்சியே ஆரோக்கியமான வாழ்க்கைக்கான சிறந்த மருந்து என தெரிவித்துள்ளார்.