கண்ணப்பா படத்தின் புதிய ரிலீஸ் தேதி அறிவிப்பு

தெலுங்கில் பிரமாண்டமான வரலாற்று பின்னனியில் உருவாகி வரும் படம் 'கண்ணப்பா'. மகாபாரதம் தொடரை இயக்கிய முகேஷ் குமார் சிங் இந்த படத்தை இயக்கி வருகிறார். வரலாற்று பின்னனியில் சிவ பக்தர் கண்ணப்பரை வைத்து இப்படம் உருவாகி வருகிறது.

இதில் கண்ணப்பராக விஷ்ணு மஞ்சு நடித்து வருகிறார். காஜல் அகர்வால், பீர்த்தி முகுந்தன் உள்ளிட்டோர் முக்கிய வேடங்களில் நடிக்க, மோகன் பாபு, பிரபாஸ், சரத்குமார், மோகன்லால், அக்ஷய் குமார் ஆகியோர் சிறப்பு வேடத்தில் நடித்து வருகின்றனர்.

ஏற்கனவே இப்படம் ஏப்ரல் 25ந் தேதி அன்று வெளியாகுவதாக இருந்தது. ஆனால், இந்த படத்தின் கிராபிக்ஸ் பணிகளில் ஏற்பட்ட தாமதத்தின் காரணமாக தள்ளிப்போவதாக சமீபத்தில் அறிவித்தனர். இப்போது கண்ணப்பா படம் வருகின்ற ஜூன் 27ம் தேதி அன்று திரைக்கு வருவதாக அறிவித்துள்ளனர். பல்வேறு மொழிகளில் பான் இந்தியா படமாக இப்படம் வெளியாக உள்ளது.