கதாநாயகனாக அறிமுகமாகும் பாண்டியன் ஸ்டோர்ஸ் நடிகர்

சின்னத்திரையில் ஒளிபரப்பான பிரபலமான தொடர் ‛பாண்டியன் ஸ்டோர்ஸ்'. தற்போது இதன் இரண்டாம் பாகம் ஒளிபரப்பாகி வருகிறது. முதல் பாகத்தில் நடித்ததன் மூலம் பிரபலமானவர் குமரன் தங்கராஜன். அதன் பின்னர் வதந்தி வெப் தொடரில் ஒரு முக்கிய கதாபாத்திரத்தில் நடித்து கவனத்தை ஈர்த்தார்.

தற்போது முதல் முறையாக கதாநாயகனாக அறிமுகமாகிறார் குமரன் தங்கராஜன். இந்த படத்திற்கு 'குமாரசம்பவம்' என தலைப்பு வைத்துள்ளனர். லக்கி மேன் படத்தை இயக்கிய பாலாஜி வேணுகோபால் இயக்குகிறார். கிரைம் கலந்த திரில்லர் கதையில் உருவாகிறது. இதனை யாத்திசை படத்தை தயாரித்த வீனஸ் இன்வோடெயின்மென்ட் நிறுவனம் தயாரித்துள்ளனர்.