விக்ரமை இயக்கும் அடங்கமறு இயக்குனர்

ஜெயம் ரவி, ராஷி கண்ணா நடிப்பில் அடங்கமறு என்ற படத்தை இயக்கியவர் கார்த்திக் தங்கவேல். இந்த படம் கடந்த 2018ம் ஆண்டு திரைக்கு வந்து வரவேற்பை பெற்றது. இந்த நிலையில் அடுத்தபடியாக அவர் விக்ரமிடத்தில் ஒரு கதை சொல்லி ஓகே பண்ணியிருக்கிறார். விரைவில் அப்படம் குறித்த அறிவிப்பு வெளியாக உள்ளது.

வீர தீர சூரன் படத்தை அடுத்து மண்டேலா, மாவீரன் படங்களை இயக்கிய மடோன் அஸ்வின் இயக்கும் தனது 63வது படத்தில் அடுத்து நடிக்கப் போகிறார் விக்ரம். இப்படத்தின் ஆரம்பகட்ட பணிகள் நடைபெற்று வரும் நிலையில் விரைவில் படப்பிடிப்பு தொடங்க உள்ளது. அதனால் இந்த படத்தை முடித்ததும் கார்த்திக் தங்கவேல் இயக்கும் தனது 64 வது படத்தில் விக்ரம் நடிப்பார் என்பது தெரிய வந்துள்ளது.