ஆந்திர முதல்வர் சந்திரபாபு நாயுடுவை திருமணத்திற்கு அழைத்த நாகார்ஜுனா

நடிகர் நாகார்ஜுனா - நடிகை அமலா தம்பதியினரின் ஒரே மகனான அகில் மற்றும் ஜைனாப் ரவ்ட்ஜீ ஆகியோரின் திருமணம் வரும் ஜுன் 6ம் தேதி ஹைதராபாத்தில் நடைபெற உள்ளது. அத்திருமணத்தில் கலந்து கொள்வதற்காக அரசியல் பிரபலங்கள், சினிமா பிரபலங்கள் ஆகியோரை அழைத்து வருகிறார் நாகார்ஜுனா.

கடந்த வாரம் தெலங்கானா முதல்வர் ரேவந்த் ரெட்டியை சந்தித்து திருமண அழைப்பிதழைக் கொடுத்தார். இன்று ஆந்திர முதல்வர் சந்திரபாபு நாயுடுவை ஆந்திராவின் தலைநகராக உருவாகி வரும் அமராவதிக்குச் சென்று சந்தித்து அழைப்பிதழ் கொடுத்துள்ளார்.

இதனிடையே, இரு தினங்களுக்கு முன்பு சென்னையில் நடைபெற்ற 'குபேரா' படத்தின் இசை வெளியீட்டிலும் கலந்து கொண்டார் நாகார்ஜுனா. இங்கு சென்னையில் அவர் யார், யாரையெல்லாம் சந்தித்து அழைப்பிதழ் கொடுத்துள்ளார் என்ற தகவல் வெளியாகவில்லை. 'கூலி, குபேரா' படங்களில் நாகார்ஜுனா நடித்துள்ளதால் ரஜினிகாந்த், தனுஷ் ஆகியோரை நிச்சயம் அழைத்திருக்க வாய்ப்புண்டு. தனது தமிழ்த் திரையுலக மற்ற நண்பர்களையும் அவர் அழைத்திருக்கலாம் எனத் தெரிகிறது.