ஆர்யாவின் ‛அனந்தன் காடு'

மிஸ்டர் எக்ஸ், வேட்டுவம் படங்களில் நடித்து வரும் ஆர்யா, இவற்றுடன் தனது 36வது படமாக ஜியென் கிருஷ்ணமூர்த்தி இயக்கும் படத்திலும் நடிக்கிறார். இந்த படத்திற்கு எம்புரான் பட கதாசிரியர் முரளி கோபி கதை எழுதி உள்ளார். ரெஜினா, நிகிலா விமல் நாயகிகளாக நடித்துள்ளனர். இவர்கள் தவிர்த்து மலையாளம் மற்றும் தமிழ் நடிகர்களும் நடித்துள்ளனர்.

ஒரேநேரத்தில் தமிழ், மலையாளத்தில் தயாராகும் இந்த படத்திற்கு ‛அனந்தன் காடு' என பெயரிட்டு முதல் பார்வை மற்றும் டைட்டில் டீசரை வெளியிட்டுள்ளனர். காட்டை பின்னணியாக கொண்டு அங்கு வாழும் மக்கள், அரசாங்கம் இடையே நடக்கும் போராட்டம் தான் கதை களமாக இருக்கும் என டீசரை பார்க்கையில் தெரிகிறது. ஆர்யா புரட்சிகர நபர் போன்று நடித்துள்ளார்.