தயாரிப்பாளர் மகன் நடிக்கும் ஆக்ஷன் படம்

முன்னணி தயாரிப்பாளரான சிபு தமீன்ஸின் மகன் விருது ஹிர்து ஹாரூன். 'தக்ஸ்' படத்தில் அறிமுகமான இவர் அதன் பிறகு 'மும்பை கார்' என்ற படத்தில் நடித்தார். கேன்ஸ் திரைப்பட விழாவில் வெற்றி பெற்ற “All We Imagine As Light” படத்திலும் நடித்த தற்போது ‛டெக்ஸாஸ் டைகர்' படத்தில் கதாநாயகனாக நடிக்கிறார்.

சமீபத்தில் வெளிவந்த “பேமிலி படம்” படத்தின் இயக்குநர் செல்வகுமார் திருமாறன் இப்படத்தினை எழுதி இயக்குகிறார். “UK Squad” எனும் நிறுவனத்தின் கீழ் சுஜித், பாலாஜி குமார், பாரதி குமார் மற்றும் செல்வகுமார் திருமாறன் ஆகியோர் இணைந்து தயாரிக்கின்றனர். முழுக்க முழுக்க ஆக்ஷன் படமாக இது உருவாகிறது.

படக்குழு, நடிகர்கள் மற்றும் தொழில்நுட்ப கலைஞர்களைப் பற்றிய தகவல்கள் விரைவில் அதிகாரப்பூர்வமாக வெளியாகும் என்று படக்குழு தெரிவித்துள்ளது.