காதலர் பிரிவுக்கு பின் மீண்டும் சினிமாவில் முழு வேகத்தில் தமன்னா

தமிழில் கடைசியாக அரண்மனை 4 படத்தில் நடித்தார் தமன்னா. சில மாதங்களுக்கு முன் தெலுங்கில் இவர் நடிப்பில் ஒடேலா 2 படம் வெளியானது. பெரிதும் நம்பிய இந்த படம் தோல்வியை தழுவியது. அதையடுத்து ஹிந்தி படங்களில் நடித்து வருகிறார். பாலிவுட் நடிகர் விஜய் வர்மாவை காதலித்து வந்த தமன்னா இந்த ஆண்டு திருமணம் செய்து கொள்வார் என்று எதிர்பார்க்கப்பட்டது. ஆனால் இருவரும் பிரிந்துவிட்டனர். இதனால் மீண்டும் சினிமா பக்கம் தனது கவனத்தை திருப்பி உள்ளார். தனது உடல் எடையை குறைத்து ஸ்லிம்மாகி மீண்டும் புதிய உற்சாகத்துடன் புதிய படங்களை கைப்பற்றும் முயற்சியில் ஈடுபட்டுள்ளார். தனது ஸ்லிம்மான புகைப்படங்களை இணைய பக்கத்தில் வெளியிட்டு ரசிகர்களிடம் வரவேற்பு பெற்று வருகிறார் தமன்னா.