கால வரையறையின்றி ஒத்திவைக்கப்பட்ட அனுஷ்காவின் ‛காட்டி'

கிரிஷ் இயக்கத்தில் அனுஷ்கா கதையின் நாயகியாக நடித்துள்ள படம் காட்டி. இதில் தமிழ் நடிகர் விக்ரம் பிரபுவும் முக்கிய வேடத்தில் நடித்துள்ளார். இப்படத்தின் படப்பிடிப்பு ஏற்கனவே முடிவடைந்து, விஎப்எக்ஸ் பணிகள் நடைபெற்று வருகிறது. கடந்த ஏப்ரல் மாதம் படத்தை வெளியிட இருப்பதாக கூறி வந்த படக்குழு, அதன் பிறகு ஜூலை 11ம் தேதி வெளியிடுவதாக அறிவித்தனர். ஆனால் இப்போது படமாக்கப்பட்ட சில காட்சிகளில் திருப்தி இல்லை என்பதால் அந்த காட்சிகளை ரீசூட் பண்ண போகிறாராம் இயக்குனர். அதனால் இந்த படத்தின் ரிலீஸை தேதி குறிப்பிடாமல் மீண்டும் தள்ளி வைத்துள்ளார்கள். படத்தின் ரீசூட் காட்சிகள் மற்றும் பிஎப்எக்ஸ் பணிகள் முழுமையாக முடிவடைந்து அமேசான் பிரைமில் படத்தை வெளியிடும் தேதி முடிவான பிறகுதான் மீண்டும் ரிலீஸ் தேதியை அறிவிக்க படக்குழு திட்டமிட்டுள்ளது.