சூர்யாவுடன் நடிப்பது வாழ்நாள் கனவு: மீனாட்சி தினேஷ்

கன்னூரில் பிறந்த கேரளப் பெண் மீனாட்சி தினேஷ். 'பொரிஞ்சு மரியம் ஜோஸ்' படத்தின் மூலம் சினிமாவில் அறிமுகமாகி, 'மிஷன் சி, 18பிளஸ், ரெட்ட' உள்ளிட்ட பல படங்களில் நடித்து விட்டு தற்போது 'லவ் மேரேஜ்' படத்தின் மூலம் தமிழுக்கு வந்திருக்கிறார். விக்ரம் பிரபுவை வயது வித்தியாசம் பாராமல் காதலிக்கும் கொழுந்தியாள் கேரக்டரில் நடித்து ரசிகர்களின் கவனத்தை ஈர்த்துள்ளார்.

இதுகுறித்து அவர் கூறும்போது, ''தமிழ் ரசிகர்களிடம் இருந்து எனக்குக் கிடைத்த அன்பான வரவேற்பில் நான் மகிழ்ச்சியடைகிறேன். லவ் மேரேஜ் படத்தில் நடித்தது ஒரு புதிய பரிமாணத்தை ஆராய ஒரு சிறப்பான வாய்ப்பாக எனக்கு அமைந்தது, மேலும் என்னை தேர்வு செய்ததற்காக பட குழுவினருக்கு நான் நன்றி தெரிவித்து கொள்கிறேன்.

பல்வேறுபட்ட மற்றும் சவாலான வேடங்களில் நடிப்பதில் ஆர்வமாக இருக்கிறேன். ஸ்டீரியோடைப்களை உடைத்து, அழுத்தமான கதாபாத்திரங்களில் நடிக்க ஆர்வமாக இருக்கிறேன். சூர்யா சாரின் பெரிய ரசிகை நான். அவருடன் பணிபுரிவது எனது வாழ்நாள் கனவு, ஒருநாள் அந்த கனவு நனவாகும் என்று நம்புகிறேன்'' என்கிறார்.