விஜய் சேதுபதி படத்தில் வில்லி வேடத்தில் தபு!

பாண்டியராஜ் இயக்கத்தில் ‛தலைவன் தலைவி' படத்தில் நடித்த முடித்திருக்கும் விஜய் சேதுபதி அடுத்தபடியாக பூரி ஜெகன்னாத் இயக்கும் படத்தில் நடித்து வருகிறார். இந்த படத்தில் விஜய் சேதுபதிக்கு ஜோடியாக சம்யுக்தா மேனன் நடிக்க, ஹிந்தி நடிகை தபு ஒரு முக்கிய வேடத்தில் நடிப்பதாக கூறப்பட்டது.

இந்த நிலையில் தற்போது இப்படத்தில் அவர் விஜய் சேதுபதிக்கு எதிர்மறையான வில்லி வேடத்தில் நடிப்பதாக ஒரு தகவல் வெளியாகி இருக்கிறது. மேலும், சமீப காலமாக அம்மா, அத்தை போன்ற வேடங்களில் நடிக்கும் தபு, அவ்வப்போது கவர்ச்சிகரமான வேடங்கள் மற்றும் வில்லி வேடங்களிலும் நடித்து வருகிறார். அதில், வில்லி வேடங்கள் மட்டுமே ரசிகர்கள் மத்தியில் வரவேற்பு பெற்று வருகின்றன. அதனால் அதை கருத்தில் கொண்டு இந்த படத்தில் தபுவை ஒரு அதிரடியான வில்லி வேடத்தில் நடிக்க வைக்கிறாராம் பூரி ஜெகன்னாத்.