ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்

பாலிவுட் முன்னணி நடிகர் ஷாருக்கானின் மகன் திரையுலகில் தனது முதல் அடியை எடுத்து வைத்துள்ளார். ஆனால் தந்தையைப் போல ஒரு நடிகராக இல்லாமல் இயக்குனராக மாறி பே***ட்ஸ் ஆப் பாலிவுட் என்கிற படத்தையும் இயக்கி முடித்து விட்டார். விரைவில் ரிலீசுக்கு தயாராகி வரும் இந்த படத்தின் சிறப்பு காட்சி சமீபத்தில் திரையிடப்பட்டது. ஏற்கனவே யூகமாக சொல்லப்பட்டு வந்த நிலையில் இந்த படத்தில் சல்மான் கான், ரன்வீர் சிங் ஆகியோர் சிறப்பு தோற்றத்தில் நடித்துள்ளார்கள் என்பது தற்போது உறுதி செய்யப்பட்டுள்ளது.

அது மட்டுமல்ல இயக்குனரும், தயாரிப்பாளருமான கரண் ஜோஹரும் இந்த படத்தில் ஒரு சிறப்பு தோட்டத்தில் நடித்துள்ளார். முழுக்க முழுக்க பாலிவுட் சினிமா பின்னணியில் உருவாகியுள்ள இதில், புதிதாக பாலிவுட்டுக்கு வரும் ஒரு இளைஞன் எப்படி அங்கு இருக்கும் ஜாம்பவான்களுடன் போட்டி போட்டு தனக்கென ஒரு இடத்தை அடைவதற்கு முயற்சிக்கிறான் என்பதை நகைச்சுவை மற்றும் காதல் கலந்து இந்த படத்தில் சொல்லி இருக்கிறாராம் ஆர்யன் கான்.